Titi Laras Tembang Macapat

PANGAJHÂRÂN 5
Tèma : Kesenian
Tembhâng Macapat
Lalampa'an 3

Indikator
4.5.3 Membaca titi laras tembang macapat/ mamaca
4.5.4 Melagukan tembang macapat/ mamaca sesuai titi laras

Caraèpon Maos Not Angka (Teknik Membaca Titi Laras)

Tembhâng aropa'aghi nyanyèyan Jhâbâ kona (tradisional), mèlaèpon not angka aghuna'aghi sebbhudhân angka Jhâbâ. manabi èlaghuwâghi èponḍhut keccap bingkèngnga bisaos, akadhi:

1. Sijhi (jhi)
2. Loro (ro)
3. Telu (lu)
4. Papat (pat)
5. Limo (mo)
6. Enem (nem)
7. Pitu (pi : keccap adâ')

$ads={1}

Laras èngghi panèka bârnana sowara otabâ ongghâ toronna sowara, bâḍâ 2 macem :

1. Laras slèndro ( sowara biyasa ) bârnana jhi, ro, lu, pat, mo, nem, pi
2. Laras pèlog ( sowara abâk mèrèng ) bârnana jhi, ro, lu, mo, nem. Ta' ghâḍhuwân 4 (pat) sareng 7 (pi)

Ngèrèng maos areng-sareng titi laras (not angka) è bâbâ panèka!

Titi Laras Pèlog
1	2	3	4	5	6	7
jhi	ro	lu	pat	mo	nem	pi

Titi Laras Slèndro
1	2	3	5	6
jhi	ro	lu	mo	nem

Nyopprè ta' aobâ tèngghi manḍhâbbhâ not angka, langkong saè èli-bâli.

Caraèpon Alaghuwâghi Tembhâng (Teknik Melagukan Tembang Macapat/ Mamaca)

Kaangghuy alaghuwâghi tembhâng, ampon tanto bisaos atoro' not sè bâḍâ è tembhâng kasebbhut. Antara tembhâng sè settong sareng sè laèn ta' samè laghuwèpon, mèlaèpon gâḍhuwân not bâng-sèbâng.

Panèka sè wâjib èkaonèngè manabi terro alaghuwaghi (nembhâng) tembhâng macapat:

Kodhu onèng abhidhâ’aghi paṭet sareng larassa. Paṭet èngghi panèka tèngghi mabâna sowara. 

Bâḍâna paṭet acem-macem:

1. Paṭet ballu’
2. Paṭet sanga’
3. Paṭet manyoro
4. Paṭet barang
5. Paṭet ennem bsl.

Ngèrèng ajhâr nembâng areng-sareng tembhâng è bâbâ ka'ḍinto. langkong ḍhimèn latèyan nembâng not angkaèpon, saamponna bisa èterrosaghi ḍâ' syairrèpon.

SINOM

(Laras Pèlog Paṭet Nem)

Poter (pècè' listen in browser) sowara carana nembhâng panèka, tèrowè kalabân sambi ngoladhi bilângan titi larassèpon è yattas!