Kosa Kata Tingkatan Bahasa Madura Terlengkap

Kumpulan Kosa Kata Tingkatan Bahasa Madura Terlengkap

Sumber Gambar : www.liputan6.com

Bâgiyân-bâgiyân tingkatan bahasa Madura (onḍhâgghâ bhâsa Madhurâ) ampon èjhârbâ’âghi neng artikel sè abhul-ombhul Tata Cara Menggunakan Tingkatan Bahasa Madura.

Baca artikel Tata Cara Menggunakan Tingkatan Bahasa Madura di sini

Dhinèng carana ngangghuy tingkatan bahasa Madura (onḍhâgghâ bhâsa Madhurâ) ampon èjhârbâ’âghi neng artikel sè abhul-ombhul Tingkatan Bahasa Madura.

Baca juga artikel Tingkatan Bahasa Madura di sini

Sabellunnèpon panjhennengngan nerrossaghi maos otabâ nyarè ca’-oca’ tingkatan bahasa Madura panèka langkong saè maos ḍhimèn macemmèpon tor carana ngangghuy akadhi sè ampon èsebbhut neng è yattas ghellâ’.

$ads={1}

È bâbâ ka’ḍinto pan-saponapan oca’ sè èpakompol kaangghuy nyopprè ghâmpangnga panjhennengngan nyarè oca’ sè ta’ èkaghâli ponapa bhâsa èpon.

Ca'-oca' panèka èsoson mètorot abjad èpon nyopprè ghâmpang sarèyanna.

A
Onḍhâk Manḍhâp	Onḍhâk Tengnga	Onḍhâk Tèngghi
Abâ’	Abâ’	Salèra
Abâcco	Abâcco	Atoro
Abâk	Abâk	Akadhi
Abâlâ	Abâlâ	Mator, Aḍhâbu
Abâs	Abâs	Oladhi, Parèksanè
Abhâkalan	Abhâkalan	Apacangan
Abhâlâ	Abhâlâ	Araji, Arobiyâ
Abhânta	Abhânta	Nganḍhika, Aḍhâbu
Abhâreng	Abhâreng	Asareng
Abinè	Abinè	Araji, Arobiyâ
Acaca	Acaca	Nganḍhika, Aḍhâbu
Acarok	Acarok	Congkra
Aḍâ’	Aḍâ’	Taḍâ’, Sobung
Aḍâ’	Aḍâ’	Ajunan
Aḍâ’ân	Aḍâ’ân	Ajunan
Addhu	Addhu	Aben
Adhândhân	Adhândhân	Abusana
Adhek	Adhek	Jhumenneng
Aḍhep	Aḍhep	Ajunan
Agâ’	Agâ’	Kadhi
Aghâbây	Aghâbây	Abhâḍhi
Aghellâ’	Aghellâ’	Kasokan
Ajhâk	Ajhâk	Atorè
Ajhâlân	Ajhâlân	Alomampa, Mèyos
Ajjhâ’	Empon	Ampon
Akabin	Akabin	Anèka
Akanṭa	Akanṭa	Akadhi
Akemmè	Akemmè	Abhânyo, Asennè
Akento’	Akento’	Acenḍes, Akobâjâ
Akerrak	Akerrak	Adhubâjâ
Alako	Alako	Ngasta
Alè’	Alè’	Raji, Jâji’
Alès	Alès	Mèmbhâ
Amè’	Amè’	Manabi
Amèmpè	Amèmpè	Asopenna
Ana’	Ana’	Pottra, Pottrè
Anḍi’	Ghâḍhuwân	Ngaghungè
Angghuy	Angghuy	Aghem
Antèng	Antèng	Sengkang, Mellar
Aoseng	Aoseng	Asèssè
Apa	Napè	Ponapa
Apasa	Apasa	Asiyâm
Apècet	Apècet	Aorot, Aoro’
Apello	Apello	Akarènget
Ara	Ara	Ajhâp
Araop	Araop	Atekkas, Adhâmo
Arapa	Anapè	Aponapa
Arèya	Anèko, Anèka	Panèka, Ka’ḍinto
Aropa	Aropa	Katèngal
Arowa	Ka’rowâ	Ghârowa, Èngghârowa
Asompa	Asompa	Asopata
Atanya	Apètanya	Monḍhut Parèksa
Atè	Atè	Pangghâliyân
Atemmo	Katemmo	Apangghi
Atèya	Atèya	Kaulâ, Abdhina
Atokar	Atokar	Congkra, Apadhu
Atolo	Atolo	Akramas

B
Onḍhâk Manḍhâp	Onḍhâk Tengnga	Onḍhâk Tèngghi
Bâ’na	Dhika	Sampèyan, Panjhennengngan, Ajunan, Junan Dhâlem
Bâḍâ	Bâḍâ	Taksè
Bâghi	Bâghi	Parèngngaghi, Atorraghi
Bâli	Bâli	Tolak
Bân	Bân	Sareng
Bângkong	Bângkong	Bhukor
Bângtowa	Bângtowa	Saseppo, Bângaseppo
Bârâmpa	Sanapè	Saponapa
Bârâmpa	Kadhinapè	Kadhiponapa
Bârâs	Bârâs	Saè
Bâriyâ	Bârinto	Sapanèka, Saka’ḍinto
Beccè’	Beccè’	Saè
Beḍḍhâ	Beḍḍhâ	Ghânḍhâ, Konyo
Bengko	Compo’	Kalongghuwân, Dhâlem
Berrâ’	Berrâ’	Ambet
Berri’	Berri’	Parèngè
Bettès	Bettès	Poḍhâk
Bhâdhân	Bhâdhân	Salèra
Bhâghus	Bhâghus	Saè
Bhâi	Bhâi	Bisaos
Bhâkal	Bhâkal	Pacang
Bhâlâ Binè’	Bhâlâ Binè’	Robiyâ, Raji
Bhâlâ Lakè’	Bhâlâ Lakè’	Raka
Bhânta	Bhânta	Andhika, Ḍhâbu
Bhântal	Bhântal	Kajhângsèra, Jhângsèra
Bhâreng	Bhâreng	Sareng
Bhâu	Bhâu	Tèmbhângan, Pamèḍhângan
Bhenḍer	Bhenḍer	Lerres
Bhibbhi’	Bhibbhi’	Nyannya
Bhuju’	Bhuju’	Aghung
Bibir	Bibir	Laṭè
Binè	Binè	Robiyâ, Raji
Binè’	Binè’	Pottrè, Èstrè
Buḍi	Buḍi	Bingkèng
Bugghik	Bugghik	Bingkèng
Bujhel	Bujhel	Poser
Bulu	Bulu	Oles
Bulu Kèjâ’	Bulu Kèjâ’	Èdhep
Bun-Embunan	Bun-Embunan	Merco

C
Onḍhâk Manḍhâp	Onḍhâk Tengnga	Onḍhâk Tèngghi
Ca’na	Ca’na	Ca’èpon
Caca	Caca	Anḍhika, Ḍhâbu
Cangkèm	Cangkèm	Dhâgu
Carèta	Carèta	Ḍhâbu
Cator	Cator	Ḍhâbu
Cè’	Cè’	Sanget
Cèccèr	Cèccèr	Kadhingghâlân
Cèngkol	Cèngkol	Sèkot
Ceppet	Ceppet	Èngghâl
Cobâcco	Cobâcco	Patoroan
Coco’	Coco’	Sengkal
Cokor	Cokor	Paras
Colo’	Colo’	Lèsan
Coma’	Coma’	Namong
Congngo’	Congngo’	Oladhi, Parèksanè
Copa	Copa	Èdhu

D
Onḍhâk Manḍhâp	Onḍhâk Tengnga	Onḍhâk Tèngghi
Ḍâ’ Kanna’	Ḍâ’ Kanna’	Ḍâ’ Ka’into
Ḍâ’ Kassa’	Ḍâ’ Kassa’	Ḍâ’ Ka’ḍissa’
Ḍâ’iyâ	Sapanèka	Saka’ḍinto
Ḍâi	Ḍâi	Raè, Bâdhâna
Ḍâmma	Ka’ḍimma	Ḍâ’ Ka’imma
Ḍântè’	Ḍântos	Antos
Ḍâpa’	Sampè’	Tandhuk
Ḍâteng	Ḍâteng	Rabu
Dhâghâ	Dhâghâ	Kantos
Ḍhâmmang	Ḍhâmmang	Kantos
Dhibi’na	Dhibi’na	Salèrana
Dhina	Dhina	Dhingghâl
Dhuli	Dhuli	Èngghâl
Dhullu	Dhullu	Ḍhimèn, Ḍhingèn
Ḍimma	Ḍimma	Ka’emma, Ka’ḍimma, Ka’imma
Ḍinna’	Ḍinto	Ka’ḍinto, Ka’into
Ḍissa	Ḍissa	Ka’ḍissa’
Ḍiyâ	Ḍinto	Ka’ḍinto, Ka’into

E
Onḍhâk Manḍhâp	Onḍhâk Tengnga	Onḍhâk Tèngghi
Ella	Empon	Ampon
Eller	Eller	Ajhâb
Èlong	Èlong	Pangambhung
Emba	Emba	Aghung
Embu’	Embu’	Èbhu
Emmak	Emmak	Ka’ Emmas
Enḍâ’	Poron	Kasokan
Ènga’	Ènga’	Kadhi
Ènga’	Ènga’	Èmot
Enjâ’	Enten	Bhunten
Ènjhâm	Ènjhâm	Sambhut
Ennè’	Ennè’	Anom
Èntar	Èntar	Mèyos

G
Onḍhâk Manḍhâp	Onḍhâk Tengnga	Onḍhâk Tèngghi
Ghâbây	Ghâbây	Bhâḍhi
Ghâllu	Ghâllu	Ḍhimèn
Ghârighi’	Ghârighi’	Rajhungan
Ghellâng	Ghellâng	Bingghel
Ghellem	Poron	Kasokan
Gherring	Anglo	Songkan
Ghibâ	Ghibâ	Bhâkta
Ghibhâng	Ghibhâng	Sengkang, Karabu, Mellar
Ghighi	Ghighi	Bâjhâ
Ghighir	Ghighir	Dhuka
Ghuttè	Ghuttè	Anom

J
Onḍhâk Manḍhâp	Onḍhâk Tengnga	Onḍhâk Tèngghi
Jângghu’	Jângghu’	Komès
Jârèya	Ghânèko, Nèko	Ghâpanèka, Èngghâpanèka
Jhâghâ	Jhâghâ	Bungo
Jhâmo	Jhâmo	Lolo
Jhebbhing	Jhebbhing	Pottrè
Jhennat	Matè	Sowarghâ
Jhilâ	Jhilâ	Èlat

K
Onḍhâk Manḍhâp	Onḍhâk Tengnga	Onḍhâk Tèngghi
Kabâsa	Kabâsa	Kobâsa
Kabbhi	Kabbhi	Sadhâjâ
Kabin	Kabin	Nèka
Kaca	Kaca	Pangoladhân
Kacong	Kacong	Pottra
Kaḍhik	Kaḍhik	Mabi
Kaka’	Kaka’	Ka’ Emmas
Kaka’	Emmak	Ka’ Emmas
Kakan	Teḍḍhâ	Ḍhâ’âr
Kala	Kala	Kabun
Kala’	Kala’	Ponḍhut
Kalambhi	Kalambhi	Rasokan
Kalamon	Kalamon	Manabi
Kalong	Kalong	Sangsang
Kanalè	Katèngal	Kaoladhân
Kandhi	Kanto	Parèng
Kangsè	Kongsè	Kantos
Kanna’	Kanto	Parèng
Kanṭa	Kanṭa	Kadhi
Karep	Karep	Karsa
Kaso	Kaso	Kasot
Kaso’on	Kaso’on	Sakalangkong
Katèḍungan	Katèḍungan	Pasarènan
Katoju’ân	Katoju’ân	Kalongghuwân
Katonḍu	Katonḍu	Ngantok
Kembhâng	Kembhâng	Sekkar
Kemmè	Kemmè	Sennè
Kennèng	Kennèng	Kèngèng
Kennyang	Kennyang	Sampè
Kento’	Kento’	Cenḍes, Kobâjâ
Kerrès	Kerrès	Posaka, Abinan
Kèya	Kèya	Jhughân
Kobher	Kobher	Kongan
Kobhurân	Kobhurân	Pasarèyan, Asta
Koko	Koko	Kanaka
Kompoy	Kompoy	Bâjâ
Kopaḍâng	Kopaḍâng	Raceng, Cemmer
Kopèng	Kopèng	Karna

L
Onḍhâk Manḍhâp	Onḍhâk Tengnga	Onḍhâk Tèngghi
Laèr	Laèr	Bhâbhâr
Lakè	Lakè	Raka
Lako	Lako	Lampa
Lambâ’	Lambâ’	Ḍhimèn, Ḍhingèn
Laon	Laon	Lèrè
Lè’èr	Lè’èr	Ghulu
Lèbât	Lèbât	Langkong
Lebbi	Lebbi	Langkong
Lècèk	Lècèk	Ceddrâ
Lekkas	Lekkas	Èngghâl
Lèncak	Lèncak	Ambin
Lengngen	Lengngen	Ghulungan
Lesso	Lesso	Kaso
Loppa	Loppa	Kalèp

M
Onḍhâk Manḍhâp	Onḍhâk Tengnga	Onḍhâk Tèngghi
Mabâ	Manḍhâp	Anḍhâp
Maca	Maca	Maos
Majit	Majit	La’jun
Malar	Malar	Moghâ
Mandhâr	Madhâr	Moghâ
Mandhi	Mandhi	Saktè
Manḍi	Manḍi	Asèram
Manjheng	Ngadhek	Jhumenneng
Mappa’	Mappa’	Nyosor
Mara	Maḍḍhâ	Nyara, Èyatorè
Marè	Marè	Lastarè
Masa’	Masa’	Mèla
Maskè	Maskè	Sanaossa
Mata	Mata	Ma’rèpat, Soca
Matè	Matè	Sèdhâ
Mèkkèr	Mèkkèr	Mangghâli
Mellè	Mellè	Monḍhut, Ngobângè
Mèna	Mèna	Mocang
Mennang	Mennang	Ongghul
Mènta	Naḍḍhâ	Nyo’on
Mèro	Mèro	Sèssè
Molaè	Molaè	Ngabidhi
Molang	Molang	Morok
Molè	Molè	Palèman

N
Onḍhâk Manḍhâp	Onḍhâk Tengnga	Onḍhâk Tèngghi
Nanak	Nanak	Anom
Nangès	Nangès	Molar
Narèma	Narèma	Monḍi
Negghu’	Negghu’	Ngastanè
Nèng	Nèng	Nangèng, Namong
Ngajhâr	Ngajhâr	Molang, Morok
Ngallè	Ngallè	Rabut
Nganḍung	Bâberra’	Bhubhut
Ngangghuy	Ngangghuy	Ngaghem
Ngèḍing	Mèreng	Mèyarsa
Ngènep	Ngènep	Kèlem
Ngobu	Ngobu	Mèyara
Ngoḍâ	Ngoḍâ	Anom
Ngota	Ngota	Ngotta’
Noro’	Noro’	Ngèrèng
Nyaè	Nyaè	Aghung Pottrè
Nyalasè	Nyalasè	Nyekkar
Nyama	Nyama	Asma
Nyaman	Nyaman	Saè
Nyoro	Nyoro	Makon, Ngotos

O
Onḍhâk Manḍhâp	Onḍhâk Tengnga	Onḍhâk Tèngghi
Obâ’	Obâ’	Aghung
Obu’	Obu’	Rambhut
Oca’	Oca’	Ḍhâbu, Anḍhika
Olok	Olok	Dhikanè
Ombhâng	Ombhâng	Dhukanè
Omor	Omor	Juswa
Ongghu	Ongghu	Saèsto
Oseng	Oseng	Sèssè

P
Onḍhâk Manḍhâp	Onḍhâk Tengnga	Onḍhâk Tèngghi
Paḍâ	Paḍâ	Samè
Pajhât	Pajhât	Lakar
Pajung	Pajung	Songsong
Paman	Paman	Anom
Panemmo	Panemmo	Pamangghi
Pangkat	Pangkat	Dhârâjhât, Jhenneng
Parana	Parana	Sanget
Parènta	Parènta	Ḍhâbu, Tèta, Otos
Pèkkèran	Pèkkèran	Pangghâliyân
Pènjhung	Pènjhung	Semmegghân
Pèpè	Pèpè	Pangarasan, Ambhungan
Pèrèng	Pèrèng	Ambeng, Lantaran
Ponakan	Ponakan	Nanak
Roko’	Perro’	Osos

R
Onḍhâk Manḍhâp	Onḍhâk Tengnga	Onḍhâk Tèngghi
Rèmbi’	Rèmbi’	Rana’, Bhâbhâr
Rèpot	Rèpot	Rèkong
Rèya	Nèko	Panèka, Ka’ḍinto
Roko’	Roko’	Èsep
Roma	Compo’	Kalongghuwân
Ropa	Raè	Salèra
Rowa	Ka’rowa	Ghârowa, Èngghârowa

S
Onḍhâk Manḍhâp	Onḍhâk Tengnga	Onḍhâk Tèngghi
Sabâriyâ	Sabâriyâ	Sapanèka, Saka’ḍinto
Sabbhu’	Sabbhu’	Panyèngset
Saellana	Saemponna	Saamponna, Salastarèna
Salebbâr	Salebbâr	Lancèngan
Sampèr	Sampèr	Sènjhâng
Sanḍal	Sanḍal	Katètèyan
Sapa	Sèra	Pasèra
Sapatu	Sapatu	Katètèyan
Sapo’	Sapo’	Oles, Kemmol
Sarong	Sarong	Sènjhâng Sarong
Satèya	Sanonto	Samangkèn
Sattanang	Sattanang	Saplaṭè
Sèḍâ	Dhika	Sampèyan, Panjhennengngan, Ajunan, Ajunan Dhâlem
Segghut	Segghut	Serrang
Sekken	Sekken	Koko
Sellèr	Sellèr	Kalangènan
Sello’	Sello’	Sesser
Sènḍo’	Sènḍo’	Lantaran
Sèngko’	Bulâ	Kaulâ, Bhâdhân Kaulâ, Abdhina, AbdhiDhâlem
Sentar	Sentar	Karabu, Mellar
Soḍu	Soḍu	Lantaran
Soko	Soko	Padhâ
Songko’	Songko’	Kocca
Songot	Songot	Komès
Sopak	Sopak	Comara
Sorat	Sorat	Serrat
Soroy	Soroy	Serrat Jhungkat
Soso	Soso	Bhâjem

T
Onḍhâk Manḍhâp	Onḍhâk Tengnga	Onḍhâk Tèngghi
Ta’ Tao	Ta’ Onèng	Korang Onèng, Korang Parèksa, Dhukan
Ta’ Tao	Bikan	Ta’ Onèng, Korang Parèksa
Tabu’	Tabu’	Paḍâ’ârân
Taḍâ’	Taḍâ’	Sobung
Taè	Taè	Raceng, Cemmer
Tanang	Tanang	Asta
Tao	Onèng	Ngaghâli, Parèksa
Tèḍung	Tèḍung	Sarèn
Tèken	Tèken	Labhet
Tèngkeltèngan	Tèngkeltèngan	Panyèngsetta
Tengnga	Tengnga	Pongkoran
To’ot	To’ot	Ḍhengkol
Toḍus	Malo	Songkan
Toju’	Toju’	Alèngghi, Alongghu
Tolèsan	Tolèsan	Serradhân
Tompa’	Tompa’	Tètènè
Tongket	Tongket	Tekken, Jungkat
Toro’	Toro’	Èrèng
Toro’	Toro’	Anot
Toron	Toron	Manḍhâp
Toronan	Toronan	Teḍḍhâ’ân
Towa	Towa	Seppo
Iyâ	Engghi	Èngghi

 

Saka’ḍinto ca’-oca’ onḍhâgghâ bhâsa sè bisa èpapolong tor èyatorraghi ḍâ’ ka panjhennengngan, moghâ kalabân tarèka panèka kaulâ sareng panjhennengngan samangkèng ampon ngaghâli ḍâ’ bâsaèpon tong-sèttongnga parkara sè parlo èbhâsaè.

Tantona kaulâ sareng panjhennengngan ta’ apal ḍâ’ ka sadhâjâna oca’ ghâpanèka, nangèng kalabân bâḍâna oca’ sè ampon èserrat neng è yattas bisa’a dhâddhi ghâmpangngan ḍâ’ ka kaulâ sareng panjhennengngan ḍâlem nyarè ca’-oca’ sè bâḍâ bhâsaèpon.

Moghâ tarèka panèka andhâddhiyâghiyâ manfaatta ḍâ’ ka sadhâjâ tan-tarètan sè samè bhângsa Madhurâ. Manabi bâḍâ kakoranganna ngèrèng atorraghi neng è kolom komèntar è bâbâ ka’ḍinto.