TEKNIK MENULIS DAN MEMENTASKAN DRAMA

PANGAJHÂRÂN 4
Tèma : Bâburughân Beccè'
Drama
Lalampa'an 4

Indikator
3.4.6 Menjelaskan teknik penulisan teks drama.
3.4.6 Mengalihwacanakan (mengubah) teks prosa menjadi teks drama sesuai kaidah.
4.4.1 Mementaskan teks drama secara berkelompok.
4.4.2 Memberíkan komentar penampilan teman dalam bermain drama.

Caraèpon Nyerrat Nolès Bâca'an Drama (Teknik Menulis Teks Drama)

Kaangghuy nyerrat (ngarang) drama bâḍâ pan-saponapan parkara sè kodhu ècokobhi, èngghi ka'ḍinto:

1. Tèma: Mèlè tema sè ghâmpang abhâḍhi karangan kaanghuy drama, mèlaèpon drama aropa'aghi ḍhâ-kanḍhâ (dialog).
2. Bhul-ombhul Judul: Bhul-ombhul ta' mabi jhâng-lanjhâng, manabi lanjhâng korang saè, cokop sèttong oca' otabâ ḍuwâ' oca'.
3. Èssè'èpon: kodhu akor ḍâ' bhul-ombhul, langkong saè sè bâḍâ'â kaèdhânnèpon sareng maghârsarè (lingkungan). Kèngèng kasaèyan otabâ kabhengngèsan (antagonis), nangèng sè bisa'a èbhuktèyaghi jhâ' kasaèyan otâbâ kabeccè'an bisa makala kajhubâ’ân.
4. Panotop: è pongkasan carèta, para maos sè ghâḍhuwân ghâmbhârân (kenangan) sè bisa dhâddhi conto mènangka pamertè beccè' (pesan moral)

Caraèpon Ngobâ Ghâncaran (prosa) Dhâddhi Drama (Teknik Alih Wacana)

Kaangghuy ngobâ ghâncaran dhâddhi drama, bâḍâ pan-saponapan parkara sè kodhu ècokobhi, èngghi ka’ḍinto:

1. Sè nyoson/ sè ngarang kodhu ongghu-ongghu ngaghâli (paham) ḍâ' èssè'èpon ghâncaran.
   
2. Ra-okara ḍâlem okara, kodhu aropa'aghi ḍhâ-kanḍhâ (dialog).
3. Ḍhâbuna sèttong orèng (pelaku), tanto bisaos bisa èkaghâli sareng orèng (pelaku) sè laèn.
4. Kong-langkong panjhâk (pelaku) kabeccè'an ḍâlem drama mènangka orèng (ommat) sè ta'at aghâmaèpon, kodhu èsossolè (diselipkan) ca'-oca' sè bâḍâ kaèdhânna sareng aghâma akadhi: alhamdulillah, astaghfirullah, ya Allah, amin, sareng samacemmèpon
5. Bhul-ombhul ḍâlem ghâncaran, manabi parlo kèngèng èyobâ sareng bhul-ombhul laèn sè akor sareng drama.
6. Ca'-oca' ḍâlem okara ghâncaran manabi ta' bisa èsalèn ḍâ' ca'-oca' okara drama, kèngèng èghântè'è oca' laèn sè ghâdhuwân maksod sè samè.

$ads={1}

Ghâmbhârân Parlo Ngalampa'aghi Drama (Diskripsi Rencana Pementasan Drama)

Manabi bhâdhi ngalampa'aghi drama bâḍâ pan-saponapan parkara sè kodhu ecokobhi è antaraèpon èngghi ka’ḍinto:

1. Latèyan sè cokop nyopprè samporna ngèngèngè:
1. Ca'-oca' (ucapan) bhân-sabbhân sè amaèn (pelaku).
2. Ghuli ennengnga mowa (gerak mimik)
3. Ghuli ennengnga bâgiyanna bhâdhân (gestur/ gerak pantomimik).
4. Caraèpon kalowar otabâ maso'.
2. Kas-pakakas sè èkaparlo (peraga).
3. Angghuy sè akora sareng kaparlowanna (peran) ḍâlem carèta
4. Manabi bisa ètoro'è bhu-tabhhuwân (musik) sè akor sareng kaparlowan, bls.

Manabi ampon bhâḍhi ngalampa'aghi drama bâḍâ pan-saponapan parkara sè kodhu èsadiyâ'âghi è antaraèpon :

1. Bhân-sabhân panjhâk/ sè amaèn (pelaku) ampon arassa bisa kaangghuy maḍâpa’ okara-okara ḍâlem carèta. Tamaso' jhughân ghuli ennengnga mowa (mimik) sareng ghuli ennegnga bâgiyânna bhâdhân (pantomimik / gestur). Ta' kèngèng kalèp jhughân laghu okara (intonasi) è bâkto makalowar okara sè èkaparlo.
2. Angghuy sareng kas-pakakas (peraga) sè èkaparlo ḍâri bhân-sabbhân sè amaèn (pelaku)

Caraèpon Amaèn Drama (Teknik Bermain Drama)

Kaangghuy amaèn drama sè saè, bâḍâ pan-saponapan parkara sè kodhu ècokobhi è antaraèpon èngghi ka’ḍinto:

1. Kalowar maso'na sè amaèn (pelaku) sè nyennengngaghiyâ orèng sè nèngghu (penonton).
2. Bhân-sabbhân sè amaèn (pelaku) kodhu saè caraèpon maḍâpa':
1. Ca'-oca' (ucapan kata),
2. Ghulina mowa (mimik) sareng ghuli ennengnga bhâdhân (gestur/ pantomimik) sè akora sareng okaraèpon,
3. Laguna okara (intonasi) sè akora sareng okaraèpon.
3. Sè palèng parlo jhughân bhân-sabbhân sè amaèn kodhu bisa arassa'aghi (menjiwai) ponapa sè èḍhâbuwâghi dhi-kadhiya kadhâddhiyân ongghu abâ'na dhibi' (ekspresi), manabi okara sossa sè bisa'a molar/ nangès.
4. Sowara sè akora jhughân sareng okara sè èḍhâbuwâghi.

Caraèpon Aparèng Sanghemman (Teknik Memberi Komentar)

Carana nyangghemmè sèttong kadhâddhiyân/ pementasan drama èngghi ka’ḍinto:

1. Ngoladhi/ pèrengngaghi otabâ bâca patalètè kalabân tarongghu kantos bisa ngaghâli/ paham ḍâ' kadhâddhiyân kasebbhut.
2. Saamponna ngaghâli, panjhennengngan bisa aparèng sangghemman, panjhennengngan bisa nyangghemmè tèma, panjhâk (tokoh), katerangan (latar), saè katerrangan kennengngan/ keterrangan kabâḍâ'ân, kadhâddhiyân masala (konflik), aghemman/ angghuyyâ panjhâk, kas-pakakas sè èyagghuy, bhu-tabbhuwân (musik), sareng salènnèpon.
3. Ḍâlem aparèng sangghemman kodhu maso' akkal (logis) jhughân ètoro'è sareng alasan otabâèpon argumèntasi.
4. Kodhu aghuna'aghi bhâsa sè saè, ta' kantos sala ḍâlem aghuna'aghi onḍhâgghâ bhâsa.