AKSARA MURDA

PANGAJHÂRÂN 6
Tèma : Kaaghâma'an
Carakan
Lalampa'an 1 

Indikator
3.6.1 Menjelaskan tata cara penulisan aksara murda carakan
3.6.2 Menulis kalimat yang mengandung aksara murda carakan

Aksara Murda / Rajâ Carakan

Aksara rajâ / murda ka’ḍinto bânnè aksara kapital akadhi neng è latèn. Manabi aksara kapital ka’ḍinto aksarana (huruf) samè bânnya’na akadhi aksara kènè’na otabâ kèngèng èkoca’aghi sadhâjâ huruf latèn ka’ḍinto bâḍâ huruf kapitalla. Bidhâ sareng aksara murda sè bânnya’ èpon ta’ sadhâjâna aksara bâḍâ murdana.

$ads={1} 

Aksara murda ka’ḍinto saèstona aksara mahaprana (salaènna na bân nya) sè èbhâḍhi aksara rajâ, melaèpon bânnya’na ta’ akadhi aksara ghâjhâng. Dhinèng aksara mahaprana ghunana ka’angghuy keccap sè asowara berra’ akadhi bhâ, dhâ, ḍhâ, ghâ, jhâ.

Aksara rajâ neng carakan Madhurâ saèstona bâḍâ 9 macem tor ampon kadaftar è UNICODE, nangèng neng ku-buku pangajhârân, panèka namong bâḍâ 8 macem salaènna Ca ꦖ bân pasanganna Nya .....◌꧀ꦘ

È bâbâ ka’ḍinto cem-macemma aksara murda / rajâ:

ꦨ	ꦯ	ꦟ	ꦦ	ꦘ	ꦡ	ꦑ	ꦓ	ꦖ
bhâ	sa	na	pa	nya	ta	ka	ghâ	ca

Pasangannèpon aksara rajâ :

......◌꧀ꦨ	.......◌꧀ꦯ	........◌꧀ꦟ	...◌꧀ꦦ	.......◌꧀ꦘ	.......◌꧀ꦡ	.......◌꧀ꦑ	.......◌꧀ꦓ	..........◌꧀ꦖ
bhâ	sa	na	pa	nya	ta	ka	ghâ	ca

Atoran nyerrat aksara rajâ, akadhi ka'ḍinto :

1. Kaangghuy nyerrat asmaèpon orèng, pangkat (gelar), nyamana lembaga, kennengngan, ghunong, songay bls.
2. Manabi sè èyaḍâ' sobung aksara rajâèpon, ngallè ka aksara sè bâḍâ è bingkèngnga.
3. Ḍâlem sèttong oca' cokop sèttong aksara rajâ.
4. Aksara matè ta’ kèngèng èserrat aksara raja.
5. Sanaos asmaèpon orèng sareng samacemma manabi sobung aksara rajâèpon, cokop èserrat ngangghuy aksara kènè' sadhâjâ.
6. È mamolanna okara manabi bannè asmaèpon orèng tor samacemma, cokop èserrat mabi aksara kènè'. 

Baca juga paddhâ aksara caraka madura

Èyatorè oladhi sareng li-kaghâli to-conto è bâbâ ka’ḍinto! 

 ꦨꦱꦸꦏꦶꦱꦉꦁꦗꦸꦮꦶꦩꦲꦩ꧀ꦥꦺꦴꦤ꧀ꦫꦧꦸꦣꦫꦶꦯꦶꦠꦸꦧꦤ꧀ꦢ
Basuki sareng Juwima ampon rabu ḍâri Situbândâ
ꦩꦤ꧀ꦯꦭꦺꦲꦩ꧀ꦥꦺꦴꦤ꧀ꦭꦱ꧀ꦠꦫꦺꦔꦗꦶ
Man Salè ampon lastarè ngajhi
ꦆ‌ꦤ꧀ꦝꦺꦴꦟꦺꦱꦶꦪꦧꦤ꧀ꦚꦃꦲꦱꦺꦭ꧀ꦧꦸꦩꦺꦤ
Inḍonèsia bânnya’ asèl bhumèna
ꦨꦤ꧀ꦢꦧꦱꦥꦗꦠ꧀ꦏꦭꦺꦴꦤ꧀ꦠꦠꦥꦪ꧀ꦪ
Bândâbâsa pajhât kalonta tapayya

Katerrangan :
È conto sè kapèng tello’ oca' Inḍonèsia; na sè ḍâ’-aḍâ’ ta’ kèngèng èserrat aksara rajâ mèlaèpon matè. Dhinèng -sia èserrat ya amarghâ carakan panèka nolès monyèna keccap bânnè nolès tolèsan latènna tor na sè kapèng ḍuwâ' ngangghuy aksara rajâ marghâ nyamana naghârâ, dhâddhi kodhu tolès ꦆꦤ꧀ꦝꦺꦴꦟꦺꦱꦶꦪ bânnè ꦆꦤ꧀ꦝꦺꦴꦟꦺꦱꦶꦄ.
È conto sè kapèng empa’, bâ sè kapèng ḍuwâ' ta' kèngèng èserrat aksara rajâ mèlaèpon ampon bâḍâ aksara rajâna bâ sè kapèng sèttong, akadhi panèka jhughân sa.