PANGALEMMA ANGGOTA BADAN

PANGAJHÂRÂN 5
Tèma : Kasusastran
Oca' Lalongèt
Lalampa'an 3

Indikator
3.5.4 Menganalisis penyandra/ oca' pangalem dalam teks.
4.4.4 Menulis paragraf yang memuat oca' pangalem.

Oca' Pangalem (penyandra)

Oca' pangalem èngghi panèka ca'-oca' sè aropa oca' kèyasan ka'angghuy aghâmbhârrâghi bhâghussâ anggauta bhâdhânna orèng sè èyalem, kèngèng jhughân ngalem poponapa bisaos sè lèbur èyoladhi. Pan-ponapan sè èyalem tanto bisaos lantaran saè, mèlaèpon manabi ta' saè ta' kera èalem. Sae rasoghân, compo', massa'an sareng salaènnèpon. 

Sè bhâḍhi kaator ka'ḍinto parkara oca' pangalem sè bâḍâ è bâgiyânna bhâdhân. Ampon ta' kasamaran bâgiyânna bâdhân katèngal bâḍâ sè saè tor jhughân bâḍâ sè korang saè. Sadhâjâ ka'dinto aropa'aghi paparèng dari Allat SWT. sè patot èsokkorè.

$ads={1}

Oca' Pangalem Bâgiyânna Bhâdhân

Oca' Pangalem
Oca' Bâgiyânna Bhâdhân

Obu

Malè' katopa' otabâ nyasar bângkong (bâlintèk, lanjhâng).

Alès

Anḍâun mèmbhâ (kandhel è tengnga tèpès è pèngghir).

Bulu kèjhâ'

Nyekkar tanjhung (aletṭèt).

Mata

Mata kètèran (morka' = mata bola pingpong).

èlong

Loncong.

Bibir

Jherruk salonè (kandhel è tengnga tèpès è pengghir).

Ghighi

Ambâliling (larsèp alos).

Lè'èr

Ghulu manjhângan otabâ bulet tontonan (alegget).

Pèpè

Ngalompang, akanṭa kalompang (monṭok).

Dâḍâ

Daḍa mano', jheppak (tegap).

Bhâu

Bidhâng.

Lengngen

Angghâḍhibâ epenṭang (busur panah) otabâ mappa gheddhâng.

Gharighi'

Angrahjung duri (rajâ attas sajân ka konco' sajân

Tengnga

Angghâghâttèng (potong gitar, langsing), serreng.

Pokang

Ambâru toros (potè, lènyè).

Bângkong

Nakèr lèmas, ambhukor nèngngep (sèmok).

Bettès

Podhâk nyongsang (rajâ è attas kènè' ka bâbâ).

Soko

Nyangkèr (bâḍâ bhârumana).

Olat (paennengnga mowa)

Bhânṭèng akèrèk.

Kolè'

Emmas esanglèng (èsanglèng = èsempo = konèng)

Pajhâlânna

Nètèr kolènang (alos).

Palèmbâyyâ

Meltas manjhâlin

Dhâbuna/ pacacana

Lemma’ manès (alos ta’ mapegghellân)

 

Caraèpon Nyerrat Bâca’an sè Aghânḍhu’ Oca’ Pangalem

Caraèpon nyerrat bâca’an sè aghânḍhu’ oca’ pangalem èstowèpon ta’ malarat, namong sè parlo èkaèmodhi, kodhu akor sareng kaparlowan ḍâlem okaraèpon jhâ’ kantos sala caraèpon aghuna’aghi. Ompamaèpon oca’ pangalemma soca / mata, jhâ’ kantos angghuy ḍâ’ laṭè / bibir, sareng salaènnèpon. È yattas ampon kaator bâca’an sè aghânḍhu’ oca’ pangalem.

Bâca'an sè Aghânḍhu' Oca' Pangalem (Teks Penyandra)

Èyatorè maos bâca'an è bâbâ panèka!

MARLENA 

Marlèna asmaèpon sèttong parabân sè bâḍâ è kampong Langai dhisa Sombherkolak. Ramaèpon Marlèna dhâddhi ghuru ngajhi kampongnga sè asmaèpon Kyaè Achmad. Santrèna lakè' binè' sakalangkong bânnya'.

Marlèna dhâddhi kembhângnga dhisa Sombherkolak. Socana morka' akadhi mata kètèran sè èrengghâ sareng bulu kèjhâ' nyekkar tanjhung. Qâri soca sè morka' manabi ngoladhi asonar pasera'a bisaos sè ngoladhi. Dhinèng laṭèèpon akadhi jerruk salonè. È ḍâlem laṭèèpon katèngal bâjhâ potè sè ambâliling. Manabi mèsem mataghiyur sadhâjâ orèng lakè' sè padâ ngoladhi, kong-langkong G' orèng lancèng. Sanaos ngaghem dung-koḍung (jilbab), nangèng è ḍâlem dung-koḍung bâdâ rambhut sè malè' katopa' sarta manabi èocol (dilepas) kantos nyasar bângkong.

Ontong ongghu rèng seppowèpon ngaghungè pottra akadhi Marlèna. Sèla raddhin, toro'oca' sarta cè' bhâjengnga sè alako ibâdâ . Pajhât lerres jhâ' dhâddhiyâ kembhângnga dhisa Sombherkolak.

Sanaos Marlèna ta' patè kalowaran, nangèng bânnya' lancèng sè terro ḍâ' Marlena. Marlèna ta' lajhu bân-sarombân sè mèlèya pasangannèpon, nangèng abâ'na ghi' parlo istihara ḍhimèn. Nyo’on pètodhu ḍâ' ka Allah SWT. Pasèra sè dhâddhiyâ pasangannèpon, mèlaèpon manabi ampon kèngèng petodhu dari Allah SWT. insya Allah ta' kèra sala mèlè.

1 Komentar

Komentar yang dirasa merugikan situs ini akan dihapus. Terima kasih telah berkunjung

Posting Komentar

Komentar yang dirasa merugikan situs ini akan dihapus. Terima kasih telah berkunjung

Lebih baru Lebih lama