Cara Mengomentari dan Menceritakan Kembali Upacara Adat

PANGAJHÂRÂN 2
Tèma : Kearifan Lokal
Kabhuḍhâjân
Lalampa’an 3

Indikator
4.1.5 Memberi tanggapan tentang peristiwa budaya.
4.1.6 Menceritakan kembali kegiatan upacara adat.
4.I.7 Mengomentari kegiatan upacara adat.

Caraèpon Aparèng Sangghemman Kadhâddhiyân Bhuḍhâjâ/ Lalampan Upacara Adhât ( Teknik Memberikan Komentar )

Saamponna panjhennengngan ampon lastarè maos bâca’an upacara adhât, jhughân ngaghâli ḍâ’ bâtegghâ, ngahâli ḍâ’ dhâgdhoghânna upacara adhât jhughân ngahâli ḍâ’ pamertê beccê’èpon, panjhennengngan èyarebbhâ bisa nyangghemmê lalampan upacara adhât sè ampon èkaghâli panjhennengngan.

Caraêpon nyangghemmè sèttong kadhâddhiyân èngghi ka’ḍinto:

1. Ngoladhi/ pèrengngaghi otabâ bâca patalètè kalabân tarongghu kantos bisa ngaghâli/ paham ḍâ’ kadhâddhiyân kasebbhut.
2. Ngoladhi/ mèrengngaghi otabâ maos sambi ngalampa’aghi nyaṭet pokeddhâ kadhâddhiyan kasebbhut.
3. Bisa jhughân arekkam kalabân sèttong pakakas ompana foto otabâ kamera, video, sareng salènnèpon nyopprè bisa èyoladhi polè manabi korang ngaghâli

Baca UPACARA SELAMATAN 7 BULANAN di sini

Conto sangghemman ḍâ’ lalampan upacara adhât Pèlèt Kanḍung sè bâdâ è attas:

Mètorot bhâdhân kaulâ, upacara adhât Pèlèt Kanḍung kodhu èpèyara tor èpertè sareng maghârsarè Madhurâ. Amarghâ upacara adhât Pèlèt Kanḍung aropa’aghi kabhuḍhâjân Madhurâ sè bânnya’ aghânḍhu’ bâburughân beccè’ sè patot èlampa’aghi sareng maghârsarè ḍâlem kaoḍi’ân rè-saarè. Laèn ḍâri ka’ḍinto, mètorod kaulâ, upacara adhât Pèlèt Kanḍung sè ampon kalampan kadhi sè ampon èjhârbâ’âghi è yattas korang ghenna’. Biyâsaèpon, è ḍâlem lampa Pèlèt Kanḍung, èbhu nèddhâ’/ aghenjhâ tellor. Parkara ka’ḍinto ghâdhuwân artè/ ma’na parsemmon, nandhâ’âghi jhâ’ sowarghâna ana’ bâdâ è bâbâna/ pa’-dhâpa’na padhâna (sokona) èbhu. Pangarep nyopprè ana’ saamponna bhâbhâr/ lahir toro’a oca’ tor abhâktèya ḍâ’ rèng seppo kong-langkong ḍâ’ rèng seppo binè’.

$ads={1}

Caraèpon Nyarètaaghi Lalampan Upacara Adhât ( Menceritakan Kembali Upacara Adat )

Manabi panjhennengngan bhâḍhi nyarèta’aghi lalampan sala sèttong upacara adhât kodhuna panjhennengan ongghu-ongghu ngaghâli / paham ḍâ' lalampan upacara adhât kasebbhut. Ngabidhi ḍâri ponapa artèna, sosonanna, bârâghâddhâ, rèng-orèngnga, kantos ka falsafana, jughân ngaghâli ḍâ’ pokeddhânna lalampan upacara adhât kasebbhut. Saamponna ngaghâli kalabân tarongghu, bhuru bisa nyarèta’aghi kalabân saè.

Kaangghuy acarèta kalabân saè, bâḍâ pan-saponan cara, èngghi ka’ḍinto:

1. Aghuna’aghi ca’-oca’ sè ghâmpang èkaghâli sareng pamèyarsa
2. Ngatorraghi/ maos ca’-oca’ kalabân keccap sè moḍḍhâ tor jhârbâ
3. Ongghâ toronna sowara (intonasi) kodhu lerres
4. Ngobâsanè tanḍhâ bâca
5. Ḍâlem maos ta’ ru-kabhuru 
6. Tanto jhughân kodhu aghuna’aghi ondhâgghâ bhâsa kalabân lerres, nyopprè ta’ kaoladhân/ ta’ kapèyarsa ta’ anḍhâp asor otabâèpon cangkolang. 

Saamponna cara è yattas ampon sèpa', panjhennengnga karè nyèyappaghi abâ'na ka'angghuy acarèta neng è yaḍâ'na ca-kancana kalabân amongghu.