MACAM DAN STRUKTUR DRAMA

PANGAJHÂRÂN 4
Tâma : Bâburughân Beccâ'
Drama
Lalampa'an 1

Indikator
3.4.1 Menjelaskan jenis-jenis drama
3.4.2 Mengidentifikasi struktur teks drama
3.4.3 Menganalisis struktur teks drama

Drama asalla ḍâri bhâsa Latin dran sè aghânḍhu’ artè ngalakowaghi, jhughân ḍâri bhâsa Yunani drama (Webster, 1970:553) sè aghânḍhu’ artè ngalakowaghi carèta sè ètèro ḍâri kadhâddhiyân rè-saarèn. Otabâ kèngèng èyartè'è; Drama èngghi ka'ḍinto angghidhân sè aghâmbhârrâghi kaoḍi'ân tor bâtegghâ manossa ḍâlem tèngka lako sè èlakonè (dipentaskan) ḍâlem pan-saponapan onḍhâghân. Sennè drama segghut èsambhât sennè teater.

$ads={1}

Mètorot bhangonna, drama bâḍâ ḍuwâ’ macem. Sè ḍâ’-aḍa’ èngghi panèka abhângon buku sè èsebbhut naskah drama. Dhinèng bhângon sè kapèng ḍuwâ’ èngghi panèka tatèngghun sè èlakonè sareng panjhâk.

Cemmacemmèpon Drama

Tragedi : drama ka’ḍinto acarèta bhâb kasangsara’an otabâ kasossa'an.

Komedi : drama ka’ḍinto acarèta bhâb kaoḍi’an sè nyennengngaghi otabâ aèssè palèghirân / loco.

Tragikomedi : drama sè èkabidhi sareng carèta sossa pas kèngbingkèng carètana èpongkasè sareng akhèr sè saè, ghumbhirâ, otabâna nyennengngaghi, otabâ bisa jhughân sabhâligghâ.

Opera : Drama sè èyèrèngè laghu tor tabbhuwân.

Melodrama : Drama sè èyèrèngè tabbhuwân bisaos.

Farce : Drama sè aropa dagelan otabâ lolocon.

Tablo : Drama sè ta’ mabi makalowar sowara nangèng namong ghulina bhâdhân (isyarat).

Sendratari : Drama sè aropa camporan drama sareng tari.

Cem-macemma kennengnganna drama

Drama pangghung : Drama sè èlakowaghi è yattas pangghung.

Drama arena : Drama sè èlakowaghi neng è bâbâ ta’ mabi pangghung.

Drama radio : Drama sè è poter/ èsiyarraghi neng radio.

Drama Televisi : Drama sè èpoter/ èsiyarraghi neng Televisi tor bisa kaoladhân sareng sadhâjâ maghârsarè sè kasokan ngoladhi.

Drama film : Drama sè bisa èpoter/ èpatèngghu è geḍḍhung bioskop.

Cem-macemma mètorot panjhâk otabâ pakakas

Drama wayang : Drama sè ḍâri bâjâng.

Drama boneka : Drama sè acarèta ngangghuy nè'-ènè'an sè èkaghâbây ḍâri kaju. 

Drama Orèng : Drama sè èlakowaghi sareng manossa otabâ panjhâgghâ ngangghuy manossa.

Macemma drama mètorot jhâmanna

Drama tradisional : Drama sè ta’ mabi naskah. Orèng sè amaèn namong ngapallaghi pokeddhâ carèta sè ḍâgghi’ pas èpèntassaghi.

Drama modern : Drama sè aghuna’aghi naskah. Naskah ka'ḍinto aropa carèta tor dialog sè ampon ètolès sareng sè ngangghit carèta drama kaangghuy èyapallaghi sareng panjhâk.

Bâgiyân-bâgiyânna drama

Bhul-ombhul : Kapprana bhul- ombhul/ judul langkong saè manabi èparèngè okara otabâ oca’ sè makapèncot ḍâ’ sè ngoladhi tor aghânḍhu’ rassa terro ngaonèngana carètana.

Anotasi : Èngghi panèka èssèna rèngkessanna carèta bhân-sabhân adegan.

Dialog : Ḍhâ-kanḍhâ antara ḍuwâ’ orèng otabâ langkong.

Babak/ adegan : Èngghi panèka bâgiyân ḍâri bhân-sabhân ongrodhânna carèta.

Èatorè maos bâca'an drama KACA KEBBHÂNG

CONTO VIDEO DRAMA

Baca juga unsur kebahasaan teks drama

$ads={2}