Menerjemahkan Cerpen dari Bahasa Lain

PANGAJHÂRÂN 2
Tema : Pendidikan Karakter
Carpan (Carèta Panḍâ')
Lalampa’an 3

Indikator
3.2.6 Menerjemahkan teks carèta panḍâ’ dengan ragam bahasa yang berbeda
4.2.1 Menerjemahkan teks carèta panḍâ’ ke atau dari bahasa yang berbeda
4.2.2 Membaca teks carèta panḍâ’ hasi terjemahan
4.2.3 Mengungngah cerpèn hasil karangan dan hasil terjemahan ke internet

Nyalèn Bâca'an Carpan ḍâ’ Cem-macemma Bhâsa sè Bidhâ (Menerjemahkan Teks Cerpen dengan Ragam Bahasa yang Berbeda)

Caraèpon nyalèn otabâ narjâma’aghi carpan ḍâri bhâsa laèn ka bhâsa Madhurâ panèka kodhu ta’ sambhârângan. È bâbâ ka’ḍinto pan-saponapan sè kodhu èkaghâli :

1. Maos patarongghu kantos ongghu-ongghu ngaghâli ḍâ’ èssè'èpon carpan sè bhâdhi èyobâ.
2. Serrat carpan sè bhâḍhi èyobâ kalabân ta' ngobâ jhâlânna carèta tor kadhâddhiyân sè bâḍâ è ḍâlem carèta.
3. Manabi bâḍâ ca'-oca' sè malarat/ bhâsa Madhurâna èghântè'è ḍâ’ oca' sè maksoddhâ samè.
4. Mèlè ca'-oca' sè ghâmpang èkaghâli/ èkaonèngè artè'èpon sareng orèng.
5. Ta’ kèngèng ngobâ oca’ bahasa kalabân maksa. Opamana okara “budaya Indonesia harus dilestarikan” pas èyartè’è “bhuḍhâjâ Indonèsiya kodhu èlastarèyaghi” oca’ èlastarèyaghi ka’ḍinto kalèro, artèna èpamarè. Ghântè’ maksoddhâ dilestarikan bânnè èpamarè nangèng èpapagghun manabi bhâsa Madhurâna èngghi èpalanggheng. Kodhuna “bhuḍhâjâ Indonèsiya kodhu èpalanggheng”.
6. Ta’ kèngèng ngartè’è oca’ bahasa tong-sèttong. Opamana “bahasa Madura harus berkembang lebih luas lagi” pas èyartè’è “bhâsa Madhurâ kodhu ngembhâng lebbi lowas polè”. Oca’ berkembang ta’ kèngèng èyartè’è ngembhâng, bân oca’ luas ta’ kèngèng èyartè’è lowas, amarghâ bisa dhâddhi ta’ kappra ocakara panèka neng bhâsa Madhurâ bân èlang ma’nana. Sè lerres kodhuna “bhâsa Madhurâ kodhu èpajhurbhu lebbi jhâu polè”.
7. Ta’ kèngèng ngartè’è ḍâri aplikasi penterjemah akadhi èpasang ka web terjemahan karana asèl terjemahan-na ta’ sorop sareng bhâsa Madhurâ sè sokkla. Algoritmana salsal ahèrra bisa marosak bhâsana sè ampon saè.

Caraèpon Maos Carpan sè Èyobâ ḍâri Bhâsa Laèn (Membaca reks Cerpen Hasil Terjemahan)

1. Sabellunnèpon maos ranyèng, maos ḍâlem pangghâliyân/ atè langkong ḍhimèn nyopprè ngaghâli/ paham ḍâ’ essè'èpon carpan.
2. Caraèpon maos ca'-oca'/ vokal kodhu lerres, mèlaèpon manabi sala bisa laèn artè'èpon otabâ taḍâ’ artèna.
3. Ongghâ toronna sowara (intonasi) kodhu lerres.
4. Caraèpon megghâ' ca'-oca' kodhu lerres, amarghâ manabi ta' lerres artè'èpon bidhâ artè'èpon otabâ taḍâ' artèna.
5. Salèra (ekpresi wajah) kodhu sorop/ akor sareng kabâḍâ’ân sè bâḍâ è ḍâlem carèta.

Sopajâ langkong ngaghâli èyatorè bukka' contoh Cara Menerjemah Bahasa Indonesia ke Bahasa Madura ka'ḍinto

Carana Ngèssè'è Bâca'an Carpan è Majâlah Sakola'an (Teknik Publikasi Teks Anekdot di Majalah Sekolah)

Manabi bhâḍhi ngèssè'è majâlah è sakola'an caraèpon èngghi ka'ḍinto :

1. Parèksanè polè bâca'an carpan sè bhâḍhi èpasang ḍâ’ majâlah sakola'an.
2. Saḍiyâ'aghi u-jhâu sabellunnèpon sè èpasang ḍâ’ majâlah sakola'an.
3. Kettèghân/tolèsan èyator kadhi ponapa sè bisa'a mataghiyur para maos.
4. Manabi parlo, parèngè ghâmbhâr sareng rarengghân (hiasan) sè cocok.
5. Conto Carpan Salènan ḍâri Bahasa Indonesia

Caraèpon Nyabâ' Carpan Neng Internet (Teknik Mengunggah Cerpen ke Internet)

Sabellunnèpon panjhennengngan maogghâ (upload) carpan ḍâ’ internèt, parèksanè langkong ḍhimèn carpan sè esabâ'â ḍâ' internet. Parèksanè ngabidhi ḍâri èssè, bhâsa, tor èjhâ'ânnèpon. Manabi ampon lerres satèrrossèpon pas paongghâ / unggah ḍâ' internet.
Caraèpon maongghâ artikel otabâ tolèsan ka internet jhâlânna panèka acemmacem. Bânnya’ cara bisa èlampa’aghi akadhi sè bhâḍhi èjhârbâ’âghi è bâbâ panèka :

1. Google Drive
   
   Kaangghuy maongghâ tolèsan neng Google Drive panjhennengngan kodhu ngaghungè akun ḍhimen è Google. Saèstona samangkèn kabânnya’an orèng ampon ngaghungè akun neng Google amarghâ akadhi ampon sadhâjâna orèng sè ngaghungè hapè android. Dhinèng hapè android akunna panèka kodhu ngangghuy Google. Dhâddhi cokop ghâmpang caraèpon akadhi panèka :
   
   • Manabi ampon lastarè nolès tor ampon ètalèktèghi salana bân ampon èbeccè’, padhâddhi tolèsanna panjhennengngan kalabân format ekstensi .doc / .docx / .pdf nangèng nyopprè ghâmpang ka sè maos bhâḍhi .pdf bisaos.
   • Maso’ ka Google Drive – upload
   • Saamponna èpaongghâ pèlè file kasebbhut – pècè’ share biyasana aghâmbhâr orèng atanḍhâ plus
   • Neng è dapatkan link – pèlè siapa saja yang memiliki link
   • Salin link – pècè’ Selesai
   • Parèngngaghi link sè ampon èsalèn ghellâ’ ka media sosial otabâ ka pasèra sè èkakarep sareng panjhennengngan.
2. Blogger
   
   Blogger aropa web otabâ situs pribadi kaangghuy nolès pan-saponapan sè bisa èmaos sareng orèng laèn kalabân ghâmpang tor abukka’. Bidhâ sareng google drive ghellâ’ sè èyessèr file èpon. Manabi è ka’ḍinto jhujhuk aropa laman sè abukka’ sanajjân ta’ è share ka orèng, orèng bisa mangghi’i neng messin panyarèyan (search engine). Dhinèng carana ghâmpang nangèng panjhennengngan bhuto adaftarraghi ḍhimen akun google panjhennengngan neng blogger panèka. Ka’angghuy cara jhângkeppèpon panjhennengngan kèngèng nyarè neng è searh engine akadhi google search, bing, yahoo tor laènnèpon karana ampon bânnya’ sè ajhârbâ’âghi bhâb blogger ka’ḍinto.
3. Website File Sharing
   
   Salaèn ḍâri sè kasebbhut è yattas saèstona ghi’ bânnya’ sè nyaḍiyââ’ghi akadhi ghâpanèka akadhi :
   
   • Dropbox : Manabi panjhennengngan lebur amaèn internèt masṭèna segghut tapangghi ka file sè èpatoro' neng situs Dropbox panèka, biyasana è nalèka panjhennengngan ngonḍhuwâ ponapa sè èsarè. Situs panèka pajhât mènangkan situs kaangghuy nyabâ' file sè bhâḍhi èbâgi ḍâ' ka rèng-orèng kalabân parcoma tor langkong bhâgus jhughân amarghâ ampon nyaḍiyâ'âghi 15 bahasa. Dropbox kèngèng èbukka' neng Windows, MAC OS otabâ Linux. Buḍi arè panèka bânnya' para sè ngangghuy smartphone jhughân ngakses Dropbox panèka ka'angghuy kapentèngan sharing sareng ngonḍhu file. Sistem kaamanan sè èghâḍhuwi Dropbox cokop saè tor panjhennengngan kèngèng nyèmpen file kalabân gratis ḍâri ka'ḍimma'a bisaos tor bilâ'â bisaos.
     
   • Sharebylink : Situs panèka ghâḍhuwân 3 kalebbiyân sè abhâḍhi orèng sè ngangghuy ta' poron ngallè ka laènna. Kapèsan panjhennengngan kèngèng magi bân maongghâ file kènè' otabâ rajâ kalabân ghâmpang. Saterrossèpon salaèn ḍâri ka'ḍinto gratis tor sè ngangghuyâ ta' kodhuna login ḍhimèn kaangghuy bisa arassaè fasilitassèpon. Nalèka maongghâ file è ka'ḍinto, panjhennengngan bisa magi link ḍhâk sakalana bâkto ghâpanèka jhughân ta' kodhuna ngantos file lastarè èpaongghâ. Namong èmanna link kasebbhut ta' bisa èyangghuy salanjhângnga bâkto nangèng ghâḍhuwân bâtessan bâkto namong sabulân.
     
   • Mediafire : Situs panèka ampon abit èbhâḍhi teppa' bulân Juli 2006. Sanajjân jumla situs filesharing panèka sajân bânnya', Mediafire bisa langgheng tor orèng sè senneng ngangghuy cè' bânnya'na otamana è Amerika Serikat. Sala sèttong kalebbiyânna èngghi panèka matabâr ḍuwâ' macem akun, profesional otabâ akun bisnis. Bhidhâna biyasana èngghi neng è karèmananna bân fasilitas sè èkaollè.
     
   • PlusTransfer : Manabi panjhennengngan terro magi file kalabân format sè ghâmpang tor saderhana, panjhennengngan bisa ngoddhi ngangghuy situs panèka. Situs panèka bânnya' aparèng kaamanan ḍâ' ka sè ngangghuy, sè èka'ḍimma sè para langghânanna bisa ngakses tor magi file ta' kalabân kodhu adaftar. Kalebbiyân sè laènna èngghi panèka tantona gratis. Langghânanna bisa magi file bân maongghâ kantos 5GB. Panjhennengngan sè lèbur abhâḍhi video bisa aghuna'aghi situs panèka mènangka alternatif media panyèmpennan.
     
   • Files2U : Situs panèka ghâḍhuwân cara sè abâk samè sareng situs-situs sè ampon èsebbhut neng è yattas ghellâ', sè ka'ḍimma panjhennengngan bisa ngakses file neng ka'ḍinto ta' kalabân kodhu abhâḍhi akun. Sanarè saka'ḍinto panjhennengngan lagghi' kodhu ngerssè'è formulir informasi sè bâḍâ è laman Files2U. Informasi sè èkakarep cokop saderhana, panjhennengngan pèra' èpènta nyama sareng alamat email bisaos. Saamponna formulir èyessè'è sadhâjâ mèla panjhennengngan jhujhung bisa maongghâ file, Files2U kalabân otomatis bhâḍhi ngèrèng pin number ḍâ' ka email panjhennengngan. Ka'ḍinto nanḍâ'âghi jhâ' situs panèka ghâḍhuwân sistem kaamanan sè cokop tèngghi.
     
   • ZippyShare : Manabi èbhânḍhingngaghi sareng situs transfel file laènna, ZippyShare tamaso' sè langkong kalonta kalabân grafik sè atamoy tèngghi. Situs panèka samè seppona sareng Mediafire sè èbhâḍhi tor èsebhhâr bulân Mei 2006. ZippyShare kèngèng èghuna'aghi sareng pasèra'a bisaos kalabân gratis. Panjhennengngan jhughân ta' parlo adaftar akun kalabân malarat tor mabhinangon. Akselerasi santa'na ngèrèm data situs panèka cè' santa'na.
     
   • Wikisend : Dhinèng situs sharing file sè pongkasan èngghi panèka Wikisend. Khusus kaangghuy situs panèka langkong saè kaangghuy èghuna'aghi magi ghâmbhâr, audio otabâ buku bisaos. Asabâb Wikisend parcoma bisa maongghâ file sè okoranna ta' lebbi ḍâri 100 MB. Situs panèka nambâi sistem kaamanan, para langghânanna bisa nambâi tor ngator password kaangghuy ngonci file èpon, kalabân cara panèka orèng sè ta' èkakarep ta' kèra bisa mokka' file kasebbhut.